Қазақстан халқы ассамблеясынан Мәжіліске тоғыз депутат сайланды

Нұр-Сұлтан қалалық сайлау комиссиясының баспасөз қызметі Қазақстан халқы ассамблеясынан Мәжіліс депутаттығына үміткерлерге дауыс беру аяқталғанын хабарлады. Үміткерлерге ҚХА-ның 351 мүшесі дауыс берген.

Айта кетейік, ҚХА атынан тоғыз адам Мәжіліске үміткер:

• Сауытбек Әбдірахманов - Қазақстан Парламенті Мәжілісі VI шақырылымының депутаты;
• Аветик Амирханян - БҚО армян этномәдеми «Масис» қоғамдық бірлестігінің өкілі;
• Ілияс Буларов - Жамбыл облысы Қордай ауданы Сарытөбе ауылдық округінің әкімі;
• Наталья Деменьтева - Көкшетау білім басқармасының «Технический лицей» КММ директоры;
• Юрий Ли – «Қазақстан ұлттық коллекторлар палатасы» ЗТБ төрағасы;
• Вакиль Набиев - күрттердің «Барбанг» қауымдастығының» вице-президенті;
• Шамиль Осин – «Шығыс» фермерлік шаруашылығының басшысы;
• Владимир Тохтасунов – «ЖетісуОблГаз» ЖШС бас директоры;
• Абилфас Хамедов – «Әзербайжандар қауымдастығы» РҚБ төрағасы.

Сауытбек Әбдірахманов үшін 298 бюллетень, Аветик Амирханянға - 270, Ілияс Буларовқа - 274, Наталья Деменьтевке - 292, Вакиль Набиевке - 285, Юрий Лиге - 282, Шамиль Осинге - 271, Владимир Тохтасуновқа - 277, Абилфас Хамедовке - 290 бюллетень берілген.