Чехияда COVID-19 індетінің таралуына байланысты төтенше жағдай енгізіледі

Қазір елде 33 мыңнан астам адам коронавирустан емделіп жатыр

Фото: ашық дереккөзден

Чехияда COVID-19 індетінің таралуына байланысты төтенше жағдай енгізіледі, деп хабарлайды Azattyq Rýhy rg.ru газетіне сілтеме жасап.

Чехияның Денсаулық сақтау министрі Роман Примула елде 5 қазаннан бастап төтенше жағдай режимі енгізілетінін айтты. Билік оны 30 күнге енгізуді жоспарлап отыр.

Дүйсенбіден бастап инфекцияның тез таралуы байқалатын мектептер екі аптаға жабылады. Атап айтқанда, Прагадағы және оған іргелес аудандардағы мектептер жұмысын уақытша тоқтатады.

Қазір Чехияда 33,5 мыңға жуық адам коронавирустан емделіп жатыр. Олардың 820-сы ауруханаларда ем алуда. Дәрігерлердің айтуынша, 187 науқастың жағдайы ауыр.

Мақалада

#төтенше жағдай #Чехия #коронавирус

Алдыңғы жаңалық

Елімізде тағы 63 адам коронавирустан жазылып шықты