Атыраудан төрт өңірге қатынайтын жолаушылар пойызы тоқтатылады

Бұл туралы облыстың бас санитар дәрігерінің қаулысында айтылған

Атыраудан төрт өңірге қатынайтын жолаушылар пойызы тоқтатылады
Фото: ашық дереккөзден

Атыраудан төрт өңірге қатынайтын жолаушылар пойызы тоқтатылады, деп хабарлайды Azattyq Rýhy тілшісі.

Атырау облысының бас мемлекеттік санитарлық дәрігері Қанат Ғайнеденовтің қаулысына сәйкес, 31 тамыз күні сағат 00.00-ден бастап жолаушылар пойызының қатынасы тоқтатылатын болды.

«Нұр-Сұлтан, Алматы қалалары мен Ақтөбе, Маңғыстау облыстары бағыттары бойынша жолаушылар темір жол тасымалдары тоқтатылсын», - делінген қаулыда.

Еске сала кетелік, бұған дейін облыста шектеу шаралары 14 қыркүйекке дейін созылғанын хабарлаған едік.

×
Бұл желілік ресурстың ақпараттық өнімдері 18 жастан асқан адамдарға арналған.