Сегіз облыста ауа райына байланысты ескерту жарияланды

Қазақстанның сегіз облысында ауа райына байланысты ескерту жарияланды, деп хабарлайды Azattyq Rýhy тілшісі Қазгидрометке сілтеме жасап.

22 тамызда Қарағанды облысында найзағай ойнайды. Оңтүстік-батыстан соққан желдің жылдамдығы секундына  15-20 метрге жетеді. Облыстың оңтүстік-батысында жоғары өрт қаупі сақталады.

22 тамызда Ақмола облысында кей жерлерде тұман түсіп, найзағай жарқылдайды. Оңтүстік-батыстан соққан желдің жылдамдығы секундына  15-20 метрге жетеді.  

Солтүстік Қазақстан облысының басым бөлігінде жаңбыр жауады. Кей жерлерде найзағай ойнап, тұман түседі. 

Қызылорда облысының солтүстік-батысында найзағай күтіледі. Желдің жылдамдығы секундына 15-20 метрге жетеді. Күндіз жоғары өрт қаупі сақталады.

Қостанай облысында кей жерлерде тұман түсіп, бұршақ жауады. Солтүстік-батыстан соққан желдің жылдамдығы секундына  15-20 метрге жетеді.  

Батыс Қазақстан облысында да бұршақ жаууы мүмкін. Кей жерлерде найзағай ойнап, жылдамдығы секундына  15-20 метрге жетеді.  

Маңғыстау облысының солтүстік-батысында қатты жаңбыр жауады. жылдамдығы секундына 15-20 метрге жетеді.  

Атырау облысында найзағай ойнайды. Күндіз жоғары өрт қаупі сақталады.