Синоптиктер еліміздің бірнеше өңірінде дабылды ескерту жариялады

Синоптиктер Қазақстанның бірқатар өңірінде тұман түсіп, көктайғақ болады және қатты жел соғады деп болжап отыр. Осыған байланысты дауылды ескерту жарияланды, деп хабарлайды Azattyq Rýhy.

Қостанайда тұман түседі.

Ақтауда желдің екпіні секундына 15–23 метрге дейін жетеді.

Атырауда және Атырау облысында тұман түсіп, көктайғақ болады.

Тараз қаласында, Абай, Маңғыстау және Шығыс Қазақстан облыстарында тұман түсіп, желдің екпіні секундына 15–20 метрге дейін күшейеді.

Павлодар, Орал, Қарағанды қалаларында, сондай-ақ Павлодар, Қостанай, Қарағанды, Жамбыл және Батыс Қазақстан облыстарында қар жауып, боран соғады, тұман түсіп, көктайғақ болып, қатты жел соғады.