Шымкентте коронавирус жұқтырған 31 адам тіркелді

Шымкент қаласында коронавирус инфекциясын жұқтырған 31 адам тіркелді. Бұл туралы Мемлекеттік комиссияның шұғыл штабы хабарлады.

«ПТР диагностикалық зерттеу нәтижелері бойынша Шымкент қаласының 31 тұрғынынан COVID-19 диагнозы анықталды: 23-і вирусты жұқтырғандармен жақын қарым-қатынаста болған және 8-і скрининг нәтижесінде анықталған. Тиісінше, барлығы жұқпалы аурулар стационарына жатқызылған», - делінген хабарламада.

Қазіргі таңда науқастардың жағдайы қанағаттанарлық. Бекітілген хаттамаға сәйкес тиісті ем жүргізілуде.

Профилактикалық іс-шараларды жүргізу үшін науқастармен қарым-қатынаста болған адамдар анықталып жатыр. Ауру ошақтарында дезинфекциялық жұмыстар жүргізілуде.

Қазіргі уақытта қала бойынша COVID-19 коронавирус инфекциясын жұқтырған 435 адам анықталған.