Ақтауда жол апатынан үш адам зардап шекті

Маңғыстау облысы полиция департаментінің мәліметінше, 23 наурыз күні сағат 13:05-те «102» кезекшісінің пультіне 29 шағын аудандағы жол-көлік оқиғасы туралы шақыру келіп түскен, деп хабарлайды Azattyq Ruhy Lada.kz-ке сілтеме жасап.

Анықталғандай, Jeep Grand Cherokee жүргізушісі жолақты ауыстыру кезінде Kia Rio көлігіне жол бермей соқтығысқан. Оқиға кезінде кезінде тағы бір Kia Rio көлігі зардап шекті.

Апат салдарынан Маңғыстау облыстық көпсалалы ауруханасына үш адам жеткізілді. Медициналық көмек көрсетілгеннен кейін олар үйлеріне жіберілді.

«Jeep Grand Cherokee жүргізушісі көлік құралдарының жүргізушілерінің жол қозғалысы ережелерін бұзғаны, адамдардың денсаулығына зиян келтіргені, көлік құралдарына немесе өзге де мүлікке зиян келтіргені үшін әкімшілік жауапкершілікке тартылды, - деп нақтылады ведомстводан.