Ақтөбедегі түзету мекемесінде өрт шықты

Ақтөбедегі №8 түзету мекемесінің жертөлесінде өрт шықты, деп хабарлайды Azattyq Ruhy Қазақпаратқа сілтеме жасап.

Ақтөбе облыстық ТЖД шақырту бөліміне сағат 18:37–де хабар түскен.

Онда Ақтөбе қаласы Астана ауданы Чекалин көшесіндегі Қылмыстық-атқару жүйесі комитетінің № 8 түзету мекемесі аумағында қоқыс жанғаны туралы айтылған.

«Бұл — бөлек тұрған ғимараттың жертөлесі. Қолданыста жоқ нысан. Өрт сөндірушілер өртті сағат 19:23-те сөндірді. Жанған аумақ — 50 шаршы метр. Зардап шеккендер жоқ», — деді облыстық ТЖД баспасөз қызметі.

Өрттің неліктен бір сағат бойы сөндірілгені айтылмады.

Оқиға орнына 38 адам 7 техника жіберілген.