Павлодар облысында 5 жасар қыз кір жуғыш машинаға кептеліп қалды

Павлодар облысында 5 жасар қыз кір жуғыш машинаға кептеліп қалды, деп хабарлайды Azattyq Ruhy. 

Облыстық ТЖД баспасөз қызметінің мәліметінше, сағат 11:14-те Тереңкөл ауылында баланың кір жуғыш машинаға кептеліп қалғаны туралы хабарлама түскен.

"Оқиға орнына №8 өрт сөндіру бөлімінің үш қызметкері жұмылдырылып, арнайы құралдардың көмегімен 2018 жылы туған қыз баланы алып шықты. Қазір оның өмірі мен денсаулығына қауіп төніп тұрған жоқ", – дейді департаментте. 

Бала барабанның ішінен ойыншықты алғысы келіп, аяғы қыстырылып қалған. 

Баланың ата-анасымен профилактикалық әңгіме жүргізілді.