Атырау облысында жасөспірім суға батып кетті

Атырау облысында жасөспірім канал суына батып кетті, деп хабарлайды Azattyq Ruhy. 

Облыстық төтенше жағдайлар департаментінің  мәліметінше, оқиға кеше, 29 мамырда болған. 

"Сағат 17:07шамасында Атырау облысы Құрманғазы ауданы Нұржау ауылының бойымен өтетін «Шарон»  өзенінің сағасы  «Жіңішке» каналында суға түсуге тыйым салынған жерде балалар суға түсіп, соның бірі 2008 ж.т. жасөспірім тереңдігі 3 метр болатын канал суына шомылу кезінде батып кеткендігі анықталды. Су асты іздестіру жұмыстары жүргізіліп, нәтижесінде сағат 19:05-те ТЖД қызметкерлері және ауыл тұрғындарының күшімен жасөспірімнің мүрдесі судан шығарылды", - -деп хабарлады департаменттің қоғаммен байланыс тобы.