Шұғыл26 қазаннан бастап Қазақстанға ұшып келген жолаушылардың бәрінде ПТР анықтамасы болуы керек

Өскеменде қымбат көлікті қасақана өртегендер ұсталды

Оның қылмысқа не үшін барғаны анықталып жатыр

Көрнекі фото

 
Өскемен қаласында полицейлер қымбат көлікке май шашып, өртеп жіберген екі азаматты ұстады, – деп хабарлайды Polisia.kz.

Белгісіз біреулер тұрақта тұрған «Лексус-570» маркалы көлікті қастық оймен жағып жіберген. Иесіне келген шығын – 22 млн теңге.

«Сол маңдағы көше камераларын тексеріп шыққан полиция қызметкерлері экраннан түнгі сағат 2-нің шамасында белгісіз бір ер адамның көлікке жақын келіп, алдыңғы сол жақ дөңгелегіне сұйықтық шашып, от қойғанын көреді. Қаскөй көп тұрмай, оқиға орнынан ізін жасырып үлгереді. Бірақ күдікті қолға түсті»,- делінген хабарламады.

 27 жастағы жұмыссыз азамат  изоляторға қамалды. Оның қылмысқа не үшін барғанын тергеу анықтап жатыр. Полицейлер көлік тұрған жерге оны жеткізіп тастаған сыйбаласын да анықтады.