Қызылордада мектептердің бірінде оқушылар төбелесіп, біреуі пышақ жарақатын алды

Қызылорда қаласындағы мектептердің бірінде оқушылар төбелесіп, олардың біреуі пышақ жарақатын алды. Бұл туралы  Қызылорда облыстық полиция департаментінен мәлім етті, деп хабарлайды Azattyq Rýhy.

Оқиға 4 сәуірде облыс орталығындағы мектептердің бірінде болған.

«Пышақ жарақатын алған оқушы ауруханаға жеткізіліп, оған дәрігерлік көмек көрсетілгеннен кейін, ол үйіне қайтарылды. Аталған дерек Сотқа дейінгі тергеп-тексерулерді бірыңғай тізіліміне ҚР Қылмыстық кодексінің 293-бабы бойынша тіркелді. Тиісті сараптамалар тағайындалды. Тергеу әрекеттері жүргізілуде. Күдікті жасөспірім Қызылорда қалалық полиция басқармасына жеткізіліп, ата-анасының қарауына тапсырылды», - делінген хабарламада.