Жезқазған әкімдігінің жанында ер адамды көлік қағып өлтірді

Жезқазған әкімдігінің жанында ер адамды көлік қағып өлтірді, деп хабарлайды Azattyq Rýhy.

Қарағанды облыстық полиция департаментінің мәліметінше, қайғылы оқиға 19 қаңтарда сағат 19.05-те болған.

«Алашхан көшесімен келе жатқан Mitsubishi Delica көлігінің жүргізушісі жаяу жүргіншіні қағып кетіп, оқиға орнынан қашып кеткен. Оқиға салдарынан ер адам оқиға орнында көз жұмды», - делінген ПД хабарламасында.

Полиция қызметкердерінің жедел іздеу шаралары нәтижесінде қашқын жүргізуші анықталып, қолға түсті. Ол Жезқазған қаласының 50 жастағы тұрғыны болып шықты.

Қазіргі уақытта аталған дерекке қатысты тиісті сараптамалар тағайындалды, соның қорытындысы бойынша процессуалдық шешім қабылданады.