Павлодар облысында жоғалып кеткен ер мен әйел адам іздестірілуде

Рoiskoviki_pavlodara_vita іздеу шараларын жалғастыруда, деп хабарлайды Рavlodarnews.kz.

«Бүгін бізге әйелі жоғалып кеткен ер адамнан өтініш түсті. Ольга Процманды іздеу басталды. Барлық қажетті ақпаратты жинап, басқа да іздеу шаралары жүргізілуде. Өкінішке орай, қазіргі уақытта жаңалық жоқ», - дейді еріктілер.

Сондай-ақ Екібастұзда бірнеше күн бойы хабар-ошарсыз жоғалып кеткен ер адамды іздестіру жұмыстары жүріп жатыр.

Кадкин Александр 25 қазанда өз үйінен белгісіз бағытта шығып, жоғалып кеткен. 

@poiskoviki_ekibas_vita дереу іздеу шараларына тартылды. Ер адамның достары мен таныстары да келіп түскен ақпаратты өңдеуде.

Іздеу жасағы жоғалып кеткен адамдардың орналасқан жері белгілі болса немесе басқа ақпарат болса, еріктілердің келесі нөмірлері бойынша дереу хабарлауды сұрайды: +7 (747) 615 55 63 Катерина, +7 (777) 334 82 01 Светлана.