Жамбыл облысында жарылыстан зардап шеккендер саны 60 адамға жетті

Олар түрлі жарақатпен Тараз ауруханасына жеткізілді

Жамбыл облысында орналасқан әскери бөлімде жарылыстан кейін зардап шеккендердің саны 60 адамға дейін артты, деп хабарлайды Azattyq Rýhy.

Тараз қаласының №1 ауруханасына түрлі жарақаттармен 60 адам түсті, оның ішінде 11 әскери қызметкер (мәліметтер нақтылануда – авт.) бар.

Бұған дейін Жамбыл облысы әкімінің орынбасары Дәулет Кәрібек 32 адамның жарақат алғанын хабарлаған еді. Мемлекет басшысы Қасым-Жомарт Тоқаев аталған жайт бойынша қылмыстық іс қозғалғанын хабарлады.

Қазіргі таңда жақын маңдағы ауыл тұрғындары қауіпсіз жерге көшіріліп жатыр. Оқиға орнына Қорғаныс министрі мен Төтенше жағдайлар министрі ұшып кетті.

Мақалада

#Жамбыл облысы #Жамбыл облысы жарылыс #Байзақ ауданы жарылыс #Тараз жарылыс

Алдыңғы жаңалық

Жамбылдағы жарылысқа қатысты қылмыстық іс қозғалды – Президент