ШұғылCOVID-19: Қазақстанда өткен тәулікте 800-ге жуық адамнан вирус анықталды

Екібастұзда қоқыс төгуге шыққан ер адамды белгісіз біреу атып кетті

Қылмыскерге іздеу жарияланды

Екібастұзда қоқыс төгуге шыққан ер адамды белгісіз біреу, атып кетті. Оқиға үйдің бейнебақылау камерасына түсіп қалған, деп хабарлайды Azattyq Rýhy «Астана» телеарнасына сілтеме жасап.

Бейнежазбада марқұмның қоқысты контейнерге тастап, қайтып келе жатқаны анық көрінеді. Осы сәтте көліктердің арасынан шыққан қаскөй оны атып кетті. Сәлден кейін қайта оралған қылмыскер оны екінші рет басынан атқан. Тіпті сол маңнан өтіп бара жатқан әйелден де сескенбеген. Ал қаскөйден қорыққан әйел адам тосырқап тұрып қалды. Оқиға куәгері бұл арнайы ұйымдастырылған қылмыс екенін айтты.

«Қылмыскер трансформатордың артында жасырынып тұрды. Ол оны күтіп тығылып тұрған. Ол қоқыс төгуге шыққанда қасынан өтіп барып, артынан атты. Бір емес, екі рет атты. Екінші атқанда оқ дәл басын тиді», - дейді куәгер.

Оқиға орнында қазір жедел-тергеу тобы жұмыс істеп жатыр. Қылмыскерге іздеу жарияланды. Полиция таратқан ақпарат бойынша қылмыс бүгін таңғы сағат 8-дер шамасында болған. Ал оққа ұшып мерт болған 60 жастағы тұрғын, «KEGOC» компаниясының филиалына тиесілі мекеменің қызметкері екені анықталды. Ол кәсіпорында электрмонтер болып жұмыс істепті.