Маңғыстауда аудан тұрғынынан мефедрон табылды

Мұнайлы ауданының тұрғыны есірткіні заңсыз сақтағаны үшін ұсталды, деп хабарлайды Polisia.kz.

Маңғыстау облысы Полиция департаментінің Есірткі қылмысына қарсы іс-қимыл басқармасының қызметкерлері жедел-іздестіру іс-шаралары барысында Мұнайлы ауданында есірткі заттарын сақтаған 42 жастағы тұрғынды анықтады.

Оның жеке басын тінту кезінде полицейлер ашық түсті затты тауып, тәркіледі.

Сараптама нәтижелері бойынша алынған зат – жалпы салмағы 1,5 грамм болатын мефедрон екендігі анықталды.

Күдіктіге қатысты ҚР ҚК-нің 296-бабының 4-бөлігі (Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) бойынша сотқа дейінгі тергеу басталды.