Денсаулық сақтау вице-министріне қатысты тергеу жалғасып жатыр

Олжас Әбішевтің ұсталғаны туралы алғаш рет ҚР Қаржы министрлігі Қаржы мониторингі комитеті хабарлаған. Бүгін комитет төрағасы Жанат Элиманов Әбішівке қатысты қолда бар ақпаратын ұсынды.

«Бұрынғы вице-министр (Денсаулық сақтау - авт.) Олжас Әбішевке қатысты тергеу әлі жалғасып жатыр. Ол ақпараттық орталық құруға арналған  500 млн теңге көлемінде бюджет қаражатын талан-таражға салды деген күдікке ілініп отыр. Сот шешімімен ол екі айға қамалып отыр», - деді Жанат Элиманов.

Естеріңізге сала кетейік, Нұр-Сұлтан қаласының мамандандырылған ауданаралық тергеу соты Олжас Әбішевті екі айға уақытша қамау туралы шешім қабылдап отыр.

Кенжекей Тоқтамұрат, Нұр-Сұлтан