Сырдария өзенінен екі жасөспірім құтқарылды

Сырдария өзенін ортасындағы аралда қалып қойған екі жасөспірім құтқарылды, деп хабарлайды Azattyq Rýhy тілшісі Қызылорда облыстық Төтенше жағдайлар департаментіне сілтеме жасап.

«Оқиға 23 тамызда тіркелді. Қызылорда қаласындағы «Сыр Ана» монументі тұсында дария ортасындағы аралда 13 және 14 жастағы екі бала қалып қойған. Оқиға орнына 5 құтқарушы 1 техника және 1 үрлемелі қайықпен жетті. Оларды бір шақырымдай жердегі Сұлтан Бейбарыс көшесі бойындағы көпір маңына алып шығып, полиция және жедел жәрдем қызметі мамандарына табыс етті», - делінген ақпаратта.