Грузияда жолаушылар автобусы апатқа ұшырап, 12 адам көз жұмды

Грузияда жолаушылар отырған микроавтобус 80 метр биіктіктегі жардан құлап, 12 адам көз жұмды. Тағы үш адам зардап шекті, деп хабарлайды Azattyq Rýhy тілшісі Sputnik Грузия-ға сілтеме жасап.

«Жол апаты болған жерде полиция, өрт сөндірушілер мен жедел жәрдем бригадасы жұмыс істеп жатыр. Бірнеше жолаушы іздестірілуде. Күрделі метерологиялық жағдайға қарамастан құтқару жұмыстары үздіксіз жүріп жатыр», - деді ІІМ өкілі.

Жол апаты кезінде автобуста қанша адам болғаны белгісіз.