Амандық Баталовқа өкпені жасанды желдету аппараты да көмектесе алмаған – ДСМ
Кеше Алматы облысының әкімі демікпемен елордадағы кардиоорталыққа жеткізілді
Денсаулық сақтау вице-министрі Ажар Ғиниятқызы Алматы облысының әкімі Амандық Баталовтың Нұр-Сұлтан қаласындағы кардиоорталыққа ауыстырылуына нақты не себеп болғанына жауап берді.
Вице-министрдің айтуынша, елордадағы кардиохирургия орталығы эпидемия кезінде өте ауыр жағдайдағы адамдарды қабылдап жатыр.
«Ұлттық ғылыми кардиохирургия орталығы эпидемия кезінде республикалық экстракорпоралды қарқынды оксигенация терапия орталығына айналған. Науқастың (Амандық Баталовтың – авт.) жағдайы нашарлаған соң, осы орталыққа ауыстырылды. Мұндай терапия өкпені жасанды желдету аппараты да көмектеспеген жағдайға қолданылады. Орталық жүрек-қан тамырлары ауруы болғанда, тыныс алуы қатты қиындаған науқастарды қабылдайды», - деп түсіндірді Ажар Ғиниятқызы.
Сондай-ақ облыс басшысын емдеу үшін Нұр-Сұлтандағы орталыққа ауыстырылуының тағы бір себебі – Алматы облысындағы осындай ауыр жағдайдағы науқастарды қабылдайтын ауруханалардың бәрі толып кеткен.
Кенжекей Тоқтамұрат, Нұр-Сұлтан