Мамин: Бүгінгі мереке – береке-бірлігіміздің символы

Премьер-Министр Асқар Мамин отандастарымызды 1 мамыр - Қазақстан халқының бірлігі күнімен құттықтады, деп хабарлайды Azattyq Rýhy тілшісі primeminister.kz-ке сілтеме жасап.

«Құрметті отандастар, баршаңызды 1 мамыр – Қазақстан халқының бірлігі күнімен құттықтаймын! Бүгінгі мереке біздің ең асыл құндылығымыз – береке-бірлігіміздің символы. Көпұлтты қоғамның ынтымағының арқасында Қазақстан өзінің ықылым заманғы тарихында талай қиыншылықты еңсеріп, кемел келешегіне нық қадам басып келеді. Халқымыздың ауызбіршілігі қазіргідей күрделі кезеңдегі сынақтан да сүрінбей өтіп, біздің ортақ шаңырағымыз – Қазақстан Республикасының даму жолын жалғастыруға мүмкіндік беретініне сенімдімін», - деп жазылған құттықтауда.

Асқар Мамин қазақстандықтарға, әрбір отбасына зор денсаулық, өзара сыйластық, бейбіт өмір мен игілік тіледі.