Қазақстанда алкогольсіз энергетикалық сусындарға акциз салу жоспарланып отыр. Бұл туралы премьер-министрдің орынбасары – ұлттық экономика министрі Серік Жұманғарин мәлімдеді, деп хабарлайды Azattyq Rýhy.

Жаңа Салық кодексінің жобасына осындай норма енген.

«Зиянды сусындарды тұтынуды азайту мақсатында алкогольсіз энергетикалық сусындарға акциз енгізу ұсынылады», - деді Жұманғарин Мәжілістің жалпы отырысында.

Айта кетері, қазір елімізде 21 жасқа толмаған қазақстандықтарға энергетикалық сусын сатуға тыйым салынған.

Бұған дейін әлеуметтік маңызы бар азық-түлік қосылған құн салығынан босатылатынын жазған едік.