Нысана көздеуден әлем чемпионатында Қазақстан қоржынына екінші медаль түсті

Қазақстан құрамасы нысана көздеуден Каирде (Мысыр) өтіп жатқан әлем чемпионатында екінші жүлдесін олжалады, деп хабарлайды Azattyq Rýhy.

Ұлттық Олимпиадалық комитеттің мәліметінше бұл жолы медальді ерлер құрамасы еншіледі. Отандастарымыз 25 метрге тапаншамен атудан командалық жарыста үшінші орын алды.

«Жүлдегерлер қатарында Никита Чирюкин, Кирилл Федькин және Артемий Кабаков бар», - деп жазылған хабарламада.

Бірінші орынды Оңтүстік Корея иеленсе, Қытай екінші орынға тұрақтады.

Айта кетері, бұған дейін әлем чемпионатында 50 метрге мылтықпен үш қалыптан атудан командалық жарыста Александра Ле, Арина Малиновская және Елизавета Безрукова үшінші орын алған еді.