Бокстан Әлем кубогы: Айбек Оралбай ел қоржынына сегізінші алтын медаль салды

Бокстан Қазақстан ерлер құрамасының капитаны Айбек Оралбай Астанада өтіп жатқан Әлем кубогының финалында 90 келіден жоғары салмақта жеңіске жетті, деп хабарлайды Azattyq Rýhy.

Финалда Германия боксшысынан басым түсті

Айбек ақтық сында Германия құрамасының өкілі Никита Путиловпен жұдырықтасты. Жекпе-жек барысында жоғары деңгейдегі техникасы мен шеберлігін танытқан отандасымыз төрешілердің айқын басым шешімімен жеңіске жетті.

Қазақстан қоржынына – 8 алтын, 4 күміс медаль

Қазақстан құрамасы осы Әлем кубогында 12 медаль жеңіп алды:

Алтын медаль иегерлері:

• Назым Қызайбай (48 кг дейін); 
• Санжар Тәшкенбай (50 кг дейін); 
• Махмұд Сабырхан (55 кг дейін); 
• Виктория Графеева (60 кг дейін); 
• Сабыржан Аққалықов (75 кг дейін); 
• Бекзад Нұрдәулетов (85 кг дейін); 
• Наталья Богданова (70 кг дейін); 
• Айбек Оралбай (90 кг жоғары).

Күміс медаль иегерлері:

• Нұрбек Оралбай (80 кг дейін); 
• Алуа Балқыбекова (51 кг дейін); 
• Надежда Рябец (75 кг дейін); 
• Елдана Тәліпова (80 кг жоғары).