«Сұлу чемпион»: Ақмарал Науатбектің жеңіс сәтіндегі әсерлі суреттері жарияланды

Қазақстанның намысын қорғаған спортшы Ақмарал Науатбек Париждегі Паралимпиада ойындарының чемпионы атанған еді. Жеңіс тұғырына шыққан чемпионның әсерлі суреттері елді сүйсіндіріп жатыр, деп хабарлайды Azattyq Rýhy.

Спортшы пара дзюдодан сынға түсті. Ол 48 келі салмақта финалға шыққан болатын. Шешуші белдесуде Ақмарал Франция спортшысы Сандрин Мартинемен кездесіп, "иппон" ұпайымен жеңіске жетті. 

Айта кетелік, Қазақстан құрамасының қоржынында төрт медаль бар. Бұған дейін Давид Дегтяров (пара пауэрлифтинг) алтын медаль алды. Мерген Еркін Ғаббасов,жүзуден Нұрдәулет Жұмағали күміс медаль алса, пара жеңіл атлет Дастан Мұқашбековте қола медаль бар.