Астанада үш мыңға тарта студент жұмыспен қамтылды

Астанада бірқатар колледждер мен ірі кәсіпорындар өзара келісімге келіп, Жұмысшы мамандықтар жылы аясында ынтымақтастық туралы меморандумға қол қойды, деп хабарлайды Azattyq Rýhy.

Қалалық білім басқармасының мәліметіне сүйенсек, бұл шара «АМАNАТ» партиясы жанындағы Әйелдер қанатының  Астана қалалық филиалының ықпалымен жүзеге асқан.

Құжатқа сай, Астана қаласындағы «ASTANA POLYTECHNIC жоғары колледжі»,  «Технологиялық колледжі»,  «Техникалық колледжі»,  «Қоғамдық тамақтану және сервис колледжі»,  «Жоғары көлік және коммуникациялар колледжі», «Құрылыс-техникалық колледжінің» студенттері енді қаладағы ірі кәсіпорындарда жұмыс істей алады.