Өмірінің соңына дейін сотталған: Қазақстанда қанша адам жазасын өтеп жатыр

Қазақстанда 200-ге жуық адам өмір бойына бас бостандығынан айырылған. Бұл туралы ІІМ Қылмыстық-атқару жүйесі комитетінің Azattyq Rýhy ресми сауалына берген жауабында айтылған.

«Төтенше қауіпсіздік мекемесінде өмір бойына бас бостандығынан айыруға сотталған 200-ге жуық адам жазасын өтеп жатыр. Олардың арасында әйелдер жоқ», - делінген жауапта.

Осы колонияда отырғандар негізінен аса ауыр қылмыс, яғни кісі өлтіру, бала зорлау, терроризм үшін өмір бойына сотталған.

Айта кетері, елімізде өмір бойына сотталғандар отыратын жалғыз төтенше қауіпсіздік мекемесі – көпшілік білетін «Қара бүркіт» түрмесі. Колония Қостанай облысында Жітіқара қаласы маңында орналасқан.