Астана маңындағы үйінде 4,5 келі есірткі сақтаған ер адам ұсталды

Ақмола облысында 57 жастағы шетелдік ер адам үйінде 4 келіден астам есірткі сақтаған, деп хабарлайды Azattyq Rýhy.

«Оның үйін тінту барысында канабис тұқымдас өсімдігі бар 6 қорап табылып, тәркіленді, гараж бен қорада соған ұқсас өсімдігі бар тағы үш қап табылды. Сонымен қатар гараж бен қорада қабырға бойымен осы өсімдіктің бұталары ілулі тұрды. Алынған заттардың жалпы салмағы 4,5 келіден асты, оның ішінде 2 келіден астам кептірілген марихуана және 1 келі 708 гр кептірілген қарасора бар», - деп хабарлады полиция.

Ер адамға қатысты ҚР ҚК 296-бабы 4-бөлігі (Ірі мөлшерде есірткі құралдарын заңсыз сақтау) бойынша сотқа дейінгі іс жүргізу басталды.