Денелерін 75 пайызға дейін күйік шалған: 2 бала санавиациямен Алматыға жеткізілді

Қызылордада газ жарылысынан зардап шеккен 4 баланың екеуі санавиациямен Алматыға жеткізілді, деп хабарлайды Azattyq Rýhy.

«Жасөспірімдердің жағдайы әлі ауыр. Денелерін 75 пайызға дейін күйік шалған. Ауыр халдегі жасөспірімдерге енді Алматы қаласындағы балалар және шұғыл медициналық көмек орталығының білікті дәрігерлері ем-дом шараларын жүргізеді. Жағдай Денсаулық сақтау министрінің бақылауында», - деп хабарлады министрліктің баспасөз қызметі.

Еске салайық, 28 шілдеде Қызылордада газдың жарылуы салдарынан жеке тұрғын үй қирады. Төрт бала зардап шекті.