Алматыда экс-судья Айгүл Сайлыбаеваның жерлеу рәсімі өтті
Марқұмның жерлеуі туралы оның ағасы хабарлады
Бүгін, 29 маусымда, Алматыда шамамен екі апта бұрын Германиядан табылған Айгүл Сайлыбаеваның жерлеу рәсімі өтті, деп хабарлайды Azattyq Rýhy kostanay_news-ке сілтеме жасап.
Марқұмның жерлеуі туралы оның ағасы хабарлады.
Естеріңізге сала кетейік, маусым айының басында Қанат Сайлыбаев Германияда өз әпкесі Айгүл Сайлыбаеваның жоғалғанын хабарлаған болатын. Айгүл Сайлыбаева Астана қаласының Сарыарқа ауданының бұрынғы судьясы және «Болашақ» бағдарламасының түлегі болған.
Ағасының айтуынша, Айгүл ұзақ уақыт бойы күйеуі Александр Донцов пен оның анасы тарапынан тұрмыстық зорлық-зомбылық көріп келген.
14 маусымда ол жоғалып кеткені туралы хабарланды, ал 17 маусымда оның денесі Бенсхайм қаласының маңынан табылды.
