Астана әуежайы жолаушылар шағымына жауап берді
Жолаушылардан түсіністік пен төзімділік таныту сұралды
Астана әуежайында терминалдарда неліктен ыстық екенін түсіндірді, деп хабарлайды Azattyq Rýhy.
Әуежай әкімшілігінің мәліметінше, қазір климаттық бақылау жүйесін қалпына келтіру жұмыстары жүргізілуде. Бұл әуежай ғимараттарында тиісті микроклиматты қамтамасыз етеді және барлық қажетті санитарлық-эпидемиологиялық талаптарды сақтайды.
«Салқындату жабдығының жоғары жүктемесіне байланысты салқындатқышты басқару жүйесі толық қуатында жұмыс істемейді, бірақ қазіргі уақытта әуежай мүмкін болатын сәйкессіздіктерді жою үшін жөндеу-қалпына келтіру жұмыстарын белсенді түрде жүргізуде», - делінген түсініктемеде.
Жолаушылардан түсіністік пен төзімділік танытуды сұрайды. 17 маусымда Алматы әуежайы жөнелтілетін және келетін жолаушыларға жөндеу-құрылыс жұмыстарына байланысты тұрақтағы қолайсыздықтар туралы ескертті.
