Өзін ҰҚК қызметкері ретінде таныстырып 12 млн теңге пара талап еткен

Бұл факт бойынша сотқа дейінгі тергеп-тексеру басталды

Фото: видеодан скриншот

Түркістан облысының тұрғыны өзін арнайы қызмет қызметкері деп таныстырып, 12 млн теңге пара талап еткен, деп хабарлайды Azattyq Rýhy.

Ол 6 млн теңге көлемінде пара алу кезінде ұсталды.

«Ол өзін ҚР ҰҚК қызметкері ретінде таныстырды және ЭТТД мен ҰҚКД тарапынан тексеру іс-шараларын тоқтату сылтауымен пара беруге итермеледі. ҚМА Түркістан облысы прокуратурасының үйлестіруімен және өңірдің ҰҚКД-мен бірлесіп жүргізген ұстау іс-шарасы барысында белгілі болғандай, келісілген ақшалай сыйақы сомасы 12 млн теңгені құрады, оның жартысын алған кезде аталған азамат ұсталды», - делінген ақпаратта.

ҚР ҚПК-нің 201-бабы тәртібінде сай өзге де ақпарат жария етілмейді.

Мақалада

#жемқорлық #алаяқтық #ҚР ҰҚК #ҰҚК #пара беру

Алдыңғы жаңалық

Астанада Құрбан айтта құрбандық шалу орындары анықталды