Павлодарда жеке зертханалар заңсыз зерттеу жүргізген

Павлодарда жеке зертханалар сегіз мыңнан астам заңсыз зерттеу жүргізген, деп хабарлайды Azattyq Ruhy.

Павлодар қаласының прокуратурасы жеке ветеринариялық-санитарлық зертханаларды тексеру кезінде заңның өрескел бұзушылықтарын анықтады.

«Прокурорлық тексеру барысында жарамсыз аспаптарды пайдалана отырып, ет және сүт өнімдерін сегіз мыңнан астам заңсыз зерттеу белгіленді, сондай-ақ ветеринариялық заңнаманың қарапайым талаптары бұзылды», – деді Павлодар облысының прокуратурасының баспасөз қызметінде. 

Прокуратурамен әкімшілік құқық бұзушылықтар жасағаны үшін 406 (ветеринариялық ережелерді, талаптарды және ветеринариялық нормативтерді сақтамағаны) және 419 (тексеруден өтпеген өлшеу құралдарын қолданғаны) баптары бойынша заңды тұлғаларға шамамен бір миллион теңге сомасында айыппұл салынды. 

Бүгінде прокуратура актісі бойынша жеке зертхана лицензиясының қолданылуын тоқтата тұру туралы мәселе қарастырылып жатыр.