Қостанай облысында қайтыс болған адамдардан қарыз өндіру деректері анықталды

Қостанай облысының прокуратурасы қайтыс болған борышкерлер мен өндіріп алушыларға қатысты атқарушылық іс жүргізу бойынша сот орындаушыларының шара қолданбау фактілерін анықтады, деп хабарлайды Azattyq Ruhy.

Қостанай облысы прокуратурасының 3-ші басқармасы хабарлағандай, заңды сақтамау алдарынан қайтыс болған 390-нан астам азамат борышкер борышкер болып қала берген.

Талдау барысында прокуратура келесіні анықтады:

• қайтыс болған борышкерлерден алимент өндіріп алу туралы 33 іс тоқтатылған жоқ;
• қайтыс болған 13 алимент өндіріп алушыға қатысты өндіріп алушыны ауыстыру туралы мәселе шешілмеген (оның ішінде қорғаншылық пен қамқоршылық белгіленгеннен кейін);
• қайтыс болған борышкерлерге қатысты жалпы сомасы 5 млн. теңгеден асатын әкімшілік айыппұлдар бойынша 264 іс тоқтатылған жоқ;
• мемлекет кірісіне 4,6 млн теңге өндіріп алу туралы 94 іс тоқтатылған жоқ.

Осы факт бойынша жеке сот орындаушыларының өңірлік палатасының атына заңбұзушылықтарды жою туралы ұсыныс енгізілді. Қадағалау актісі қаралып жатыр.

Айта кетерлігі, егер өндіріп алушы немесе борышкер болған азамат қайтыс болғаннан кейін шешімде белгіленген талаптар немесе міндеттер қайтыс болған адамның құқықтық мирасқорына ауыса алмаса, онда атқарушылық іс жүргізу тоқтатылады.

 «Бұл жағдайда өндіріп алушының құқықтық мирасқоры анықталғанға дейін атқарушылық іс жүргізу тоқтатыла тұрады», - деді прокуратура өкілдері.