Түркістан облысында коронавирус жұқтырғандар – бір ауданның тұрғындары

Өңірде індет алғаш жетісайлық жігіттен анықталған болатын. Ол Нұр-Сұлтан қаласынан келген. Кейін онымен байланыста болған тағы 3 тұрғынның коронавирус жұқтырғаны белгілі болды. Ал қалған 5 науқас Алматыдан келген, деп хабарлайды Azattyq Rýhy тілшісі. Қазіргі уақытта Түркістан облысы бойынша 41 адам карантинде жатыр.

«Түркістан облысы бойынша коронавирус жұқтырған 5 жағдай тіркелді. Олардың барлығы Жетісай ауданының тұрғындары. Алғашқы жағдайда жергілікті тұрғын өз шаруасымен Нұр-Сұлтан қаласынан 23 наурыз күні келіп, 27 күні ыстығы көтерілген. Алынған тест сынамасы нәтижесінде одан қауіпті вирус анықталды.  Індетті облысқа әкелген екінші жағдайда, пациент іссапармен Алматыға барғанда жұқтырған», - деді  Түркістан облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы Нұрбек Нышанов.

Әмірболат Құсайынұлы, Алматы