Швецияда тағы бір акция өтіп, Құран кітап өртелді

Қала полициясы рұқсат берген акция Стокгольм маңындағы Дроттнингхольм патша сарайы жанында өтті, деп хабарлайды Azattyq Ruhy ТАСС басылымына сілтеме жасап.

Акцияны ұйымдастырушы Иран иммигранты діннің де саясат екенін баршаға жеткізгісі келетінін айтқан.  

Жаңбыр жауып тұрғандықтан қолшатыр ұстаған қыз шұңқыр қазып, оған құрғақ бұтақтарды тастайды. Содан кейін ол Құран кітаптың парақтарына бұл «заңсыз жазба» деп жазып, оларды жыртып отқа тастайды.

Болған жайтты журналистер тамашалады. Бірнеше наразылық білдірушілер акцияны тоқтатуды талап етіп, қызға ұрысқан.

«Ираныңа бар, кітабыңды сол жерде өрте!», деп айқайлады олардың бірі.