«ҚазАвтоЖол» АҚ өкілдері кәсіпкерден ірі көлемде қаржы бопсалады деген күдікпен ұсталды

Жедел-тергеу іс-шаралары басталды

Фото: www.gov.kz

2023 жылғы 29 маусымда Ұлттық қауіпсіздік комитеті Транспорттық прокуратурамен бірге «НК «ҚазАвтоЖол» акционерлік қоғамы Павлодарлық филиалының басшылығы мен қызметкерлерінің жемқорлық іс-әрекетінің жолын кесті, деп хабарлайды Azattyq Ruhy.

Іс фигуранттары аймақтағы кәсіпкерден аса ірі көлемде қаржы бопсалады деген күдікпен қамауға алынды.

Бұл факті бойынша материалдар Қылмыстық кодекстің 366-бабы 3-бөлігі 1-тармағы бойынша Сотқа дейінгі тергеудің бірыңғай тізіліміне тіркелді.

Тергеу іс-шараларының жүргізілуіне байланысты өзге ақпарат жария етілмейді.

Жедел-тергеу іс-шаралары жалғасуда.

Мақалада

#ҚазАвтоЖол #Пара алу #бопсалау

Алдыңғы жаңалық

Қазақстанда нашақорлыққа және есірткі бизнесіне қарсы кешенді жоспар қабылданды