«Жанымызды шүберекке түйіп отырамыз»: қаратаулықтардың жан айқайы

Azattyq Rýhy

Тұрғындар 20 жылдан бері қирап жатқан ғимараттар мен жарық, жол мәселесін айтып шағымданып отыр

Фото: ашық дереккөзден

Жамбыл облысы Қаратау қаласының тұрғындары өркениеттен жұрдаймыз деп шу шығарды, деп хабарлайды «Хабар 24».

Шағын шаһардың халқы 20 жылдан астам уақыттан бері айра-жайра болып жатқан ғимараттардың қирандылары мен жарық, жол мәселесін айтып шағымданып отыр. Жергілікті жұрт қордаланған әлеуметтік жағдайды талай рет көтерген. Сан мәрте көмек сұрап, әкімдіктің табалдырығын тоздырыпты. Нәтиже бомаған соң тілшілерге жүгінуге мәжбүр болған.

«Дым жоқ. Жарық та жоқ. Ит деген өріп жүреді. Адам соғыспақ түгілі бауыздап өлтіріп жатса да тәртіп сақшысы келмейді. Таппайсың! Оқушылардың автобусы да жүрмейді. Бірде жүреді, бірде жүрмейді», - дейді қала тұрғындары.

Бұл моно қала – Қаратаудағы темір жолдың арғы бетінде тұратын жұрттың жан айқайы. Еститін құлақ болса, мұнда шешілмеген мәселе шаш етектен.

Ширек ғасырдан астам уақыт өтсе де, ет комбинатының орнында малдың сүйек-саяқтары мен қалдықтары әлі күнге дейін шашылып жатыр. Тазартылмаған. Қаңғыған иттер осының иісіне жиналса, бұзақылар биік қабырғаларын тасалайтын көрінеді. Ал дәл осы жер тұрғындар мен оқушылардың күнделікті жүретін жолы. Маңайда жарық орнатылмаған. Қала шетіндегі жұрт балаларын мектепке жалғыз жіберуге қорқады.

«Жанымызды шүберекке түйіп отырамыз. Шыны керек. Ет комбинатының жатысы мынау. Көшемізде ешқандай жарық жоқ. Ең кішкентай көше. Не жарық бермейді. Не қарамайды. Еш уақытта әкімшіліктен келіп көрген емес. Енді бала-шағаны шығаруға да қорқамыз», - дейді Қаратау қаласының тұрғыны Дәметкен Сыпатаева.

Екінші мәселе төңіректе қаңғыған иттер қаптап кеткен. Ұйыққан мақұлықтар тіпті адамға шабатын болыпты. Бұл жөнінде талай рет жауапты мекемелерге шағым айтылғанымен нәтиже жоқ. 

Үшінші проблема - оқушылар мен тұрғындарды мектеп пен орталыққа тасмалдайтын автобус тұрақты жүрмейді. Шағымданушылардың айтуынша, қоғамдық көлік әбден тозған. Бірде жүрсе, бірде жүрмейді. Қорқынышты жолмен амалсыз жүруге мәжбүрміз дейді. Әсіресе күні қысқа қыс айларында қиналатындарын айтып отыр.

«Автобус жоқ. Автобус жүргізсе қайтеді. Мына жолдарды жөндесе қайтеді. Жолдың барлығы нашар», - деп шағымданды қала тұрғыны Бибісара Мелдебекова.

«Әкімді шақырсаң, әкім елден қашады. Қазір осы жерге келсе болады ғой. Ол халыққа қызмет етемін деп отырды ғой сол орынға. Ал олар халықтан қашады. Тығылып алады», - дейді Қаратау қаласының тұрғыны Қайрат Қоқымбаев.

Әкімдік өкілдері тұрғындар тараған уақытта келді. Негізгі деген мәселелер: жарық, қоғамдық көлік, ескірген жолдар мен иттерге қатысты сауалды біз де қойдық.

«Қираған ғимараттарға байланысты ескертілген болатын. Осы уақытқа дейін қоршаймыз, тазалаймыз деп келді. Тазаланбауына байланысты шара қолданатын боламыз. Оқушыларды тасымалдау бойынша айтып өтер болсақ биылғы жылдың басынан мердігермен келісімшарт жасалып, заң талабына сай жылы жаңа автобустар алынды. Резервке тағы автобус қойылды»,- деді Қаратау қаласы әкімінің орынбасары Мақсат Рысбаев.

Ал иесіз иттерді жоюға биыл аудандық бюджеттен 3 миллионнан астам теңге бөлінген. Былтыр қала бойынша 400-ден астам ит, 100 шақты мысық атылып залалсыздандырылған көрінеді.

Жергілікті билік өкілдері жуық арада жарықты орнатып беруге уәде берді. Жолды да көктем шығып, күн жылысымен жөндеп береміз деп отыр. Ал қираған ғимараттардың орнын тазалау жұмыстарына қатысты нақты жауап жоқ. Тек қожайындарына әкімдік тарапынан хаттама жіберіп, ескерту берумен шектелетін түрі бар.

‡àãðóçêà...
Сұхбат
Абайдың 45 сұрағына белгілі режиссер, жазушы Ермек Тұрсынов жауап берді
«Абайдың 45 сұрағы» жобасының кезекті қонағы - филолог, абайтанушы Омар Жәлел
Ирактан Қазақстанға қайтарылған 14 баланы ортаға бейімдеу жұмыстарымен айналысып жатқан психолог мамандармен сұхбат