$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
10.02.2022, 09:37
Қоғам

Танымал вайнер Мейіржан Төребаев қаржы пирамидасын құрды деген күдікпен ұсталды – журналист

Аталған қаржы пирамидасына мыңдаған адам алданған

Танымал вайнер Мейіржан Төребаев қаржы пирамидасын құрды деген күдікпен ұсталды – журналист
Brod.kz

Танымал вайнерлер Мейіржан Төребаев, Азизжан Саидбаев және Мейірхан Шерниязовты сот қамауға алу туралы шешім шығарды деп жазады журналист Михаил Козачков өзінің Telegram-каналында. Алайда, артынша кепілмен үшеуін де босатып жіберген.

Ұсталған үш вайнер де ҚР Қылмыстық кодексінің 217-бабымен (қаржы пирамидасын құру және оны басқару) күдікті деп танылыпты. Егер оларға тағылған айып дәлелденсе әрқайсысы 5-10 жыл аралығында бас бостандығынан айрылуы мүмкін.

«Тергеу мәліметі бойынша Төребаев, Саидбаев және Шерниязов mudarabah capital қаржы пирамидасын жарнамалап қана қоймай, ол жерден иелерінің бірі ретінде тұрақты қаржы алып отырған», - деп жазды М.Козачков.

Еске салайық, бұған дейін аталған компанияның бас директоры Руслан Бурханов қамауға алынған болатын. Сондай-ақ, оның қоластында істеген өзге де азаматтар күдікті ретінде тергеліп жатыр.

Серіктес жаңалықтары