2020 жылы Қазақстанда халық санағы жүргізіледі

Ұлттық экономика министрлігінің статистика комитетінің баспасөз қызметі Қазақстанда 2020 жылы халық санағы жүргізілетінін хабарлады.

«Халық санағын жүргізетін мерзім анықталды, санақ 2020 жылдың 1-30 қазаны аралығында жүргізіледі. Қазіргі таңда дайындық жұмыстары жүргізілді, планшетке арналған мобильді қосымша әзірленді - ол сауалнама жүргізуге мүмкіндік береді, респондеттердің өздері толтыра алатын санақ қағаздары бар арнайы сайт жасалды. «Аудандастыру» автоматтандырылған жұмыс орны бар. Санақ жүргізілген уақытта халықты қолдау мен ақпараттандыруға арналған call-орталық құрылды», - делінген статистика комитетінің хабарламасында.

2021 жылы халық санағының алдын-ала қорытындысын жариялау, ал 2022 жылы ақырғы қорытындысын алу жоспарлануда.

Әу баста санақ 2019 жылы жүргізіледі делінген еді, одан кейін санақ 2020 жылдың 5 ақпаны мен 5 наурызы аралығында жүргізіледі деген хабар тарады. Енді 2020 жылдың 1-30 қазанында жүргізіледі деген ресми хабар жарияланды.