Қазақстанда әуе жолаушыларының салмағы өлшене бастады

Салмақ өлшеу процедурасы билет құнына әсер ете ме?

көрнекі фото

9 мен 31 тамыз аралығында Алматы мен Нұр-Сұлтан әуежайларынан ішкі және халықаралық рейстермен ұшып шығатын, 18 жастан асқан әуе жолаушыларына ерікті түрде салмақ өлшеу қызметі ұсынылады. Бұл туралы Air Astana әуе компаниясының баспасөз қызметінен хабарланды.

Air Astana хабарлағандай, салмақ өлшеу процедурасы билет құнына еш әсер етпейді және бұл ұшу қауіпсіздігін арттыру мақсатында ғана өткізіледі.

Ұшар алдында салмақ өлшеу IATA (Халықаралық әуе көлігі қауымдастығының) ережелеріне сәйкес, әуе көлігі балансын анықтау үшін статистикалық деректерді жинау мақсатында өткізіледі.

Салмақ өлшеу рейске тіркеу өткізілгеннен кейін арнайы дайындалған орында болады. Ерлер мен әйелдер бөлек өлшенеді.

×
Бұл желілік ресурстың ақпараттық өнімдері 18 жастан асқан адамдарға арналған.