Шұғыл26 қазаннан бастап Қазақстанға ұшып келген жолаушылардың бәрінде ПТР анықтамасы болуы керек

Қазақстанда 4,5 мың лифт ауыстыруды, 1,6 мың лифт жөндеуді қажет етеді

«Ofe Co., Ltd» компаниясы Қазақстанда лифт орталығын салу үшін 7-8 млн доллар бөлуге дайын

Фото: zakon.kz

Оңтүстік Кореяның «Ofe Co., Ltd» компаниясы Қазақстанда лифт орталығын салуға дайын екенін айтқан. Бұл туралы Индустрия және инфрақұрылымдық даму министрлігі хабарлады.

Компанияның бас директоры Хам Ен-Чхер қазақстандық тарап жобаны қолдаған жағдайда бастаманы іске асыру үшін 7-8 миллион АҚШ доллары көлемінде қаржы бөлуге дайын екенін жеткізді.

«Айта кететін жайт, шетелдік компания («Ofe Co., Ltd» - ред.) Алматы облысында лифт өндірумен айналысатын «LGS Elevator» қазақстандық-корей кәсіпорны үшін бөлшектер мен жинақтауыштарды жеткізуші. Сондай-ақ, компания өкілдері Қазақстанда ауыл шаруашылығы техникасын шығару бағытында да бірлесе әрекет етуге ниетті екендіктерін де жеткізді», - дейді министрлік хабарламасында.

Қазір көпқабатты тұрғын үйлерде пайдаланылып жатқан 24 025 лифт бар екен: жолаушыларға арналған - 23 547 лифт, жүк тасуға әрі жолаушыларға арналған 478 лифт бар. Жұмыс жағдайында қолданылатын 13 863 лифт болса, соның ішінде 1 684 лифт жөндеуді қажет етеді, 4 478 лифт толықтай ауыстыруды қажет етеді.