ШұғылCOVID-19: Қазақстанда 14 адам өкпені жасанды желдету аппаратына қосылған

Ақмола облысында 5 млн теңге пара алған экс-прокурор сотталды

Сот үкімімен ол 4 жылға бас бостандығынан айырылды 

Фото: kokshetau.asia

Ақмола облысы Қорғалжын ауданының бұрынғы прокуроры сыбайлас жемқорлық қылмыс жасағаны үшін сотталды, деп хабарлайды Azattyq Rýhy тілшісі Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

Сыбайлас жемқорлыққа қарсы қызмет бұған дейін Ақмола облысы Қорғалжын ауданының прокуроры Омар Д.О.-ға қатысты пара алды деген күдікпен сотқа дейінгі тергеу жүргізген.

Бұл факті Сыбайлас жемқорлыққа қарсы қызмет ҚР Бас прокуратурасының Ішкі тергеулер департаментімен бірлесіп анықтады.

«Омар Қорғалжын қорығының басшысы А.А.Сексенбиевтен 23 миллион теңге мөлшерінде ақша резервінің кассасында заңсыз болу фактісін қорытындысында көрсетпегені үшін 5 миллион теңге мөлшерінде пара алуға тырысты деген күдікке ілінді», - делінген хабарламада.

А.ж. 9 желтоқсанда Нұр-Сұлтан қаласының Байқоңыр ауданының №2 аудандық сотының үкімімен Омар 4 жылға бас бостандығынан айырылды. 

Аталған адам мемлекеттік қызметте қызмет атқару құқығынан және әділет кеңесшісі арнаулы атағынан өмір бойына айырылды.