Шұғыл«Тағы да антирекорд»: Қазақстанда өткен тәулікте 6 521 адамнан коронавирус анықталды

Елордада коронавирус вакцинацын алуға жазылу басталды

Қалада вакцинациялауға жататын 600 мыңнан астам тұрғын бар

Нұр-Сұлтан қаласының әкімі Алтай Көлгінов Instagram желісіндегі парақшасында коронавиусқа қарсы вакцина салу пунктерінің саны 36-дан 100-ге дейін өскенін мәлім етті.

Қала басшысы вакцинация - қалыпты өмірге оралуға мүмкіндік беретін жалғыз тиімді әдіс екенін ескере отырып, халық арасында вакцинация басталатынын айтты.

«Вакцинация адамдардың бір мезгілде көп жиналуын болдырмау және қала тұрғындары үшін неғұрлым қолайлы жағдай жасау үшін алдын ала жазылу арқылы жүргізіледі. Бұл вакциналарды медициналық мекемелер арасында біркелкі бөлуге мүмкіндік береді. Жасына байланысты шектеулер мен медициналық көрсеткіштерді ескергенде, қалада вакцинациялауға жататын 600 мыңнан астам тұрғын бар. Тек сәуір айында ғана Денсаулық сақтау министрлігі (СК-Фармация) 280 мыңнан астам доза вакцина жеткізуді жоспарлап отыр», - деп жазды қала басшысы.

БІРІНШІ. Егу пунктерінің саны 36-дан 100-ге дейін өсті. Бұл - алғашқы медициналық-санитарлық көмек ұйымдары: емханалар, отбасылық денсаулық орталықтары, дәрігерлік амбулаториялар және т.б. Вакцинация пунктерінің жұмыс уақыты таңғы сағат 8:00-ден 00:00-ге дейін ұзартылды.

ЕКІНШІ. Вакцина алғысы келетіндердің бәрі өтініш қалдыра алады. Емханаға тіркелу орны бойынша алдын ала жазылу керек. Денсаулық сақтау басқармасының сайтында алғашқы медициналық-санитарлық көмек ұйымдарының байланыс нөмірлері, мекенжайлары көрсетілген тізім жарияланды.

ҮШІНШІ. Екпе алуға жазылу Damumed мобильді қосымшасы арқылы да жүзеге асырылады. Қосымшада пациенттің жеке кабинеті арқылы учаскелік дәрігердің қабылдауына жазылу және ескертпеде КВИ-ға қарсы екпе алғысы келетінін көрсету жеткілікті.

Аптаның соңына дейін медициналық мекемелер вакцинацияға ниет білдірушілерді тіркейді, апта соңында вакцинациялауға кіріседі.

Сондай-ақ, Денсаулық сақтау министрлігі жақында «электрондық үкімет» порталында вакцинациялауға еліміз бойынша орталықтандырылған өтінімдерді қабылдауды іске қосады. Онда «вакцинацияға жазылу» жеке қойындысы болады.

ТӨРТІНШІ. Медициналық мекемелер екпе алғысы келетін барлық тұрғындарды қабылдауға дайын. Дегенмен Mega Silk Way СОО сияқты бірқатар сауда-ойын-сауық орталықтарының инфрақұрылымын дайындадық. Сонымен қатар, қаладағы қонақүйлер де дайын. Қажет болған жағдайда, вакцинация пункттерін сол жерде де орналастыруға болады.

Бірінші кезеңде екпені коронавируспен күресте алдыңғы шепте жүрген медицина қызметкерлері, мұғалімдер, тәртіп сақшылары және т. б. алды.

«Қазір қала тұрғындары екпе алуға ниет білдіріп жатыр. Бұл бізді қуантады, өйткені халықты вакцинациялау ұжымдық иммунитетті қалыптастыруға және туыстары мен айналасындағы адамдарды қорғауға мүмкіндік береді. Екпе алғандар маска тағып, санитарлық нормаларды сақтау қажет», - деп жазды елорда әкімі.