Түркия мен Египеттен келген төрт жолаушыдан коронавирус анықталды

Олардың үшеуі Шарм-эль-Шейх қаласынан, бірі Анталиядан ұшып келген

көрнекі фото

11 наурызда Қазақстан аумағына Германия, Мальдив, БАЭ, Египет, Түркия, Ресей, Өзбекстан және Қырғызстаннан 21 халықаралық әуе рейсімен 3 мыңға жуық жолаушы келді. Олардың арасында 2 334 жолаушыда теріс нәтижесі көрсетілген ПТР-анықтама болса, қалған 631 ҚР азаматында тиісті анықтама болмаған.

Нұр-Сұлтан әуежайына – 10 рейс (1 320 жолаушы, анықтамамен - 1 081; анықтамасыз – 239);
Алматы әуежайына – 8 рейс (1 320 жолаушы, анықтамамен - 1 023, анықтамасыз – 297);
Орал әуежайына – 2 рейс (199 жолаушы, анықтамамен - 104; анықтамасыз – 95);
Шымкент әуежайына – 1 рейс (барлық 126 жолаушы анықтамамен келген).

Анықтамасыз келген Қазақстан азаматтары келген жері бойынша ПТР-талдау әдісімен тестілеуден өтіп, карантиндік стационарларда нәтижесін күтуде.

Сондай-ақ 10 наурызда елге ПТР-анықтамасыз келген 374 ҚР азаматының төртеуінен коронавирус анықталды: үш жолаушы Шарм-эль-Шейх қаласынан (Египет) Ақтөбе әуежайына, бір жолаушы Анталиядан (Түркия) Алматы әуежайына келген.