ШұғылCOVID-19: Қазақстанда өткен тәулікте 800-ге жуық адамнан вирус анықталды

Nur Otan: Қостанай облысында 77 жаңа бизнес-жоба құру үшін грантқа 40,8 млн теңге қаралды

Партиялықтар өңірде сайлауалды үгіт-насихат жұмыстарын жүргізіп жатыр

Қостанай облыстық маслихат депутаттығына кандидат Аслан Дабылов «Астықжан» СО келушілерімен кездесті. Кандидат алдағы сайлау туралы, сайлауалды бағдарламаның негізгі тармақтары, азаматтарға көмек көрсету үшін партия қабылдап жатқан шаралар туралы айтып берді.

«Әлемдік коронавирустық пандемия біздің елдегі экономикалық жағдайға теріс әсер етті, сондықтан 2020 жылы мемлекет дағдарысқа қарсы шараларды әзірледі. Карантин шараларының енгізілуіне байланысты әлеуметтік көмек көрсетілді. Олар:

  • халықтың әлеуметтік осал топтарының ішінен 10,9 мың адам азық-түлік-тұрмыстық жиынтықтары үшін төлем алды;
  • 1,2 мың аз қамтылған отбасыға атаулы әлеуметтік көмек көрсетілді, 5,5 мың кепілдендірілген әлеуметтік пакет 6 жасқа дейінгі балаларға берілді;
  • 4,9 мың адам үшін коммуналдық шығындар өтелді;
  • Елбасы бастамалық жасаған «Biz birgemiz» акциясы шеңберінде «Nur Otan» партиясының мүшелері мен еріктілер 1,1 мыңнан астам отбасына азық-түлік себетін үлестірді, 9,6 мың адам 50 000 теңгеден ақша алды.
  • COVID-19 пандемиясынан зардап шеккен ШОБ қолдау үшін екінші деңгейдегі банкілермен жеңілдетілген несие бағдарламасы бойынша сомасы 16,1 млрд. теңгеден астам 81 несие берілді;
  • 77 жаңа бизнес-жоба құру үшін грантқа 40,8 млн. теңге қаралды;
  • «Еңбекпен қамту» жол картасы шеңберіндегі жобаларға 19,7 млрд. теңге бөлінді, ол жаңадан 5 295 жұмыс орнын ашуға мүмкіндік береді;
  • коммуналдық меншіктегі 109 нысанның сомасы 18 млн. теңге 3 айлық жал ақысы шегерілді» - деді Аслан Дабылов.

Іс-шара барысында жергілікті жұрт «Nur Otan» партиясының осы игі жоспарларын бірауыздан қолдайтынын және партияға деген сенімі мол екенін айтты.

«Біздің партия Қостанай қаласы халқының үмітін ақтау үшін қажетті шараларды қабылдайды, халықтың барлық тобының мүддесін қорғап, халық пен билікті байланыстыратын буын болады. Мақсатымыз – қазақстандықтардың өмір сүру сапасын үнемі өсіріп отыру. Біз бірге қаланың әрбір тұрғыны жайлы тұрмыс үшін, даму және өзін-өзі көрсете алу үшін бәрі де мүмкін болатын қолайлы қоғам құрамыз», - деді Аслан Дабылов.

«Nur Otan» партиясы Қостанай облысының сайлау қорының қаражатынан төленді