Шетелден 738 қазақстандық ПТР-анықтамасыз келді

28 желтоқсанда Қазақстан аумағына Германия, Мальдив аралдары, Египет, Түркия, БАӘ, Украина, Ресей, Беларусь, Қырғызстан және Өзбекстан елдерінен 19 халықаралық әуе рейспен қазақстандық 2 832 жолаушы келді. Санитариялық-эпидемиологиялық бақылау комитетінің мәліметі бойынша, оның ішінде теріс нәтижесі бар ПТР-анықтамамен 2094 адам, тиісті анықтамасыз 738 адам келген.

• Нұр-Сұлтан әуежайына – 10 рейс (1 243 жолаушы, анықтамамен - 928; анықтамасыз – 315);
• Алматы әуежайына – 9 рейс (1 589 жолаушы, анықтамамен - 1 166, анықтамасыз – 423).

Анықтамасыз келген Қазақстан азаматтары келген жері бойынша COVID-19-ға ПТР-талдау әдісімен тестілеуден өтті және карантиндік стационарларда нәтижесін күтуде.

28 желтоқсанда тиісті анықтамасыз келген барлық 738 қазақстандық азаматтың ПТР-талдауы теріс нәтиже көрсетті.