Жаңажылдық мереке күндері жолаушылар пойыздарына қосымша 704 вагон тіркеледі

Қазір Қазақстанда қолданыстағы 156 жұп жолаушылар пойызының 117-сі қатынауда. Шектеулер коронавирус инфекциясының таралуына жол бермеу үшін қабылданған шешімдерге байланысты енгізілді.

Алайда, 2020 жылғы 26 желтоқсаннан бастап 2021 жылғы 5 қаңтар аралығындағы жаңажылдық кезеңде жолаушыларды тасымалдау үшін 704 қосымша вагон тіркемесі қамтамасыз етіледі.

Осылайша, 30 мыңға жуық жолаушыны қосымша қамту жоспарлануда.

Вагондар келесі бағыттар бойынша пойыздарға қосылады:

• Нұр-Сұлтан – Алматы, Маңғыстау, Атырау, Сарыағаш, Арқалық, Семей, Петропавл және Павлодар;
• Алматы – Ақтөбе, Атырау, Маңғыстау, Сарыағаш, Өскемен, Жезқазған және Орал;
• Павлодар-Пресногорьковская;
• Қызылорда – Семей;
• Ақтөбе – Атырау.