Ұлыбританияда коронавирус жұқтырғандар саны бойынша рекорд орнатылды

Ұлыбританияда бір тәулікте коронавирустық инфекция расталған 6634 науқас тіркелді, бұл пандемия басталғаннан бергі ең жоғары көрсеткіш, деп хабарлайды Azattyq Rýhy тілшісі РИА Новостиге сілтеме жасай отырып.

Елдің Денсаулық сақтау министрлігі берген мәлімет бойынша, бір күнде 40 адам қайтыс болды.

Алдыңғы 24 сағат ішінде диагнозды 6178 адам растады, 37 адам қайтыс болды.

Елде коронавирус жұқтырғандардың жалпы саны 416 мыңнан асады. Пандемия басталғалы 41 902 адам қаза тапты.

Еске салайық, бұған дейін Премьер-Министр Борис Джонсон коронавируспен күресуге бағытталған жаңа шектеулер туралы жариялаған. Егер аурудың таралуы тоқтамаса, Үкімет жаңа локдаун енгізеді.